Publicité
Tradiksion Konstitision
Bann konsiltasion popiler pe kontinie
Par
Partager cet article
Tradiksion Konstitision
Bann konsiltasion popiler pe kontinie
Depi premie Oktob, Creole Speaking Union finn lans bann konsiltasion popiler pou tradiksion Konstitision an Kreol Morisien. Zot ti finn rann piblik Lartik 1-57. Yer, zot finn sirkil Lartik 58-100. Zot kapav retrouv sa bann Lartik lor sit web https://kreolrepiblikmoris.wordpress.com/tradiksion-konstitision-an-kreol-morisien/
Se enn lapel ki fer tou sitwayin Repiblik Moris pou fer bann komanter ek propozision ki zot swete pou li gagn enn validasion popiler lor sa tradiksion Angle/Kreol nou Konstitision ek port zot volonter pou lir, dir ek anrezistre diferan extre dokiman-la.
Lobzektif sa demars-la se ki Konstitision an Kreol Morisien gagn enn pli gran difizion; li vinn pli fasilman aksesib pou tou dimounn ek li reflet popilasion Repiblik Moris dan tou so diversite.
Si ou pe anvi partisip dan sa proze nasional, ou kapav ekrir lor ladres mel: konstitisionmoris@gmail.com
Dan Lartik 58-100 ena bann seksion osi inportan ki pouvwar Zidisier, pouvwar Exekitif, Lasanble Rodrig…
Nou ti fini prezant zot Lartik 1-57, aster ou kapav pran konesans Lartik 58-100 desou:
Publicité
Les plus récents
