Mo trouv sa mari cheap kan pou bann rezon sibsektif ek souvan sekter/fanatik, nou atak ou denigre bann dimounn ki ena enn lopinion difteran ar nou.

Kouma pe fer par sertin kont Nad Sivaramen an se moman.

Imazine li ti ena enn lot non… ki kalite isteri ek la enn ti pou ena akoz enn size parey! Krwar mwa, boukou pa ankor evolie dan zot valer ek konpreansion de nou viv ek etr ansam! Boukou zis ipokrit!

Mo mem mo pa touzour dakor avek rol ek azinda sertin zournalis, dimounn dan media ek opinion leaders. Ena bann pir mersener, roder bout/leche-boutt de bann ki dan pouvwar… ki konn zis fer gran analiz ek ekrir/koz avek bel bel aksan. Krebikite personel ZERO! Fact check on the ground! 😂

Nou denons sa bann mersener la kare kare dan lintere piblik, me pa denigre dimounn ou zournalis kan zot pe ankouraz plis konpreansion ek linite parmi nou. Pa pou fer ‘ feu de tout bois’ zis avek obzektif …..‘ nou bann’!

Sa aplik pou tou sa bann ki deklar gran aktivis alor ki zot zis obsede avek enn azinda sekter, fanatik ek divisionis. Ena sa bann dimounn la dan tou relizion/ kominote etc. San media/ rezo sosio, zot zis enn ‘ vocal minority’ . Erezman! Etr aktivis enn gran lamod aster. Li form parti kiltir Infotainment. Bann politisien ek organizasion ki obsede ar pouvwar kontan sa kalite divide and rule ek diversion la.

Al guete komie bann gran gran leader, opinion leaders, intelektiel ek gran aktivis chup chap lor bann size parey. Ki fer? Ki zot azinda? Poz nou la kestion!

Kot solidarite bann gran defanser liberte expresion ek media etc dan bann kontex parey? Kom dab: ‘ Bef dan disab,sakenn get so lizie’!

Tou politize ek polarize dan nou pei. Pou nek divize … lor tou size. Bann ki oz koz enn lot langaz … zot pa a la mod… zot vinn an plis.., ou swa tret ou de pro ou anti!

Sa mem rises nou kiltr, nou relizion, nou spiritialite anseign nou? Shame ! 🙏