Le témoin vedette dans le procès intenté à Dereck Jean Jacques, dit Gro Derek, et Bruno Casimir pour trafic de drogue, Hayeshan Madarbaccus, a témoigné en cour, le mercredi 8 juin. Le steward, qui a obtenu l’immunité, est revenu sur le mode opératoire utilisé pour faire entrer de la drogue à Maurice.

Question de M^e Asha Ramano-Egan, qui représente la poursuite: Depi kan ou finn koumans fer transaction?

Hayeshan Madarbaccus : Mo ti konn Gro Derek en 2007-2008. Apre se Desiré Azie, ki travail ensam ar mwa lor Trochetia. Li finn fer mwa zuen boss la! Le lendemain, mo ti zuen li. C’était en octobre-novembre 2011.

Me Asha Ramano-Egan : Kan ou finn zuen Derek?

Hayeshan Madarbaccus : Vers sa bann dat la, octobre ou novembre 2011. Ti ena mwa, Derek, Casimir, Azie lor parking KFC, à Flacq. Zot ti promet mwa mo ti kass si mo fer transaction là. Bruno Casimir ti pou explik mwa bann détails kouma pou fer pou zet parcel la drogue dan dilo. Mo ti gayn enn téléphone Nokia bleu pour servi pou transaction.

Me Asha Ramano-Egan : Comie fois ou finn amen la drogue pou Derek?

Hayeshan Madarbaccus : Trois fois mo finn amené. Mars, avril et juin.

Me Asha Ramano-Egan : Explik nou kouma sa finn déroulé aprè sa rencontre la ?

Hayeshan Madarbaccus : Mo finn gayn enn call pou gayn instruction ki sann la mo bizin zuen Madagascar. Mo finn ariv Tamatave par Trochetia ver le 15 ou le 20 mars. Mo finn desann al zuen enn misie. Li finn donn mwa enn tente ar 12 bouteilles Candia. Mo finn mont a bord ek monn kasiet li dan enn endroit sûr.

Me Asha Ramano-Egan : Ki koté kan ou ariv Moris ou gayn réso?

Hayeshan Madarbaccus : Kan mo guet divan mo trouv phare Albion. Mo koumans gayn réso vers 3h30 dimatin. Bruno Casimir finn call mwa impe pli tard. Linn dire mwa met bann boutey la dan enn «touk» la peinture ek atas enn pail pou servi kouma flotteur. Mo finn defile parcel la par-dessus bord ziska li tomb dan dilo. Plis tard mo finn gayn enn call Bruno Casimir pou konfirme si linn gayn parcel là.

Me Asha Ramano-Egan : Sa travay la, ti gayn paiement ça?

Hayeshan Madarbaccus : Ti finn promet mwa enn ti kass. Bruno Casimir ki donn mwa larzan kan monn zuen li kot enn cimetière. Mo ti gayn Rs 180 000 premier paiement. Ensuite pou deuxième fwa la en avril, monn gayn Rs 200 000. Mo finn apran ki kan amenn enn certain quantité la drogue gayn plis. Sinon ti promet moi Rs 100 000. Deuxième fwa la, mo ti al guet Bruno so lacaz Ste-Croix.

Interruption : La défense objecte, soutenant que l’avocate de la poursuite suggère des réponses au témoin. Le juge met en garde M^e Asha Ramano-Egan.

Me Asha Ramano-Egan : Ki mois enkor ou finn fer transactions?

Hayeshan Madarbaccus : En avril, monn refer pareil. Al guet contact Tamatave ek finn remet mwa enkor boutey. Kan monn ariv au large Moris, Bruno ti call mwa enkor. Monn re largue bann boutey la. Mo ti mett li dan enn sac poubelle. Ensuite mai ek juin. Mai pa ti la drogue pou Derek. Me Bruno ti dir mwa fer bann lezot transaction, soit avec Jimmy Marthe et juin pour Jimmy Alexis.

Interruption : Les avocats de Bruno Casimir objectent, car leur client n’est pas poursuivi pour les événements qui se sont déroulés en mai. Le juge donne gain de cause à la défense. Le témoin peut citer des protagonistes dans l’affaire mais sans donner plus de détails.

Me Asha Ramano-Egan : Komie fwa ou finn amen la drogue pou Derek?

Hayeshan Madarbaccus : Trois fois.

Me Asha Ramano-Egan : En juin explik nou ki finn arive?

Hayeshan Madarbaccus : Enkor enn fwa, lor bato Trochetia, mo finn desann Tamatave monn pran boutey enkor monn vini. Monn ariv Moris ver 3h30 kot monn gayn réso ek monn defile la drogue la dan dilo. Me pou mois juin mo pa finn gayn okenn paiement ziska aster.

Me Asha Ramano-Egan : Kan ou finn apran ki Dayal inn gayn trappé?

Hayeshan Madarbaccus : Quelques jours après.

Me Asha Ramano-Egan : Ki finn arive ensuite?

Hayeshan Madarbaccus : Bruno ti dir mwa vinn zuen li. Nou finn koz se kinn passé. Dan konversation, linn dir mwa bizin destroy sa portab là.

Me Asha Ramano-Egan : Ki zot finn kozé enkor?

Hayeshan Madarbaccus : Linn dir mwa si gayn trappé dir to pa konn mwa. Lerla linn dir mwa al lot pei ena lamor ladan.