A 68 ans, Sookenraj Sok Appadu nous parle avec passion de ses années où il a supporté Liverpool, soit 51 années ! De ses jeunes années au service de la HMS (Mauritius Royal Navy) à Vacoas ou il a côtoyé des Anglais qui travaillaient à Maurice à ses visites à Liverpool, sans oublier quelques anecdotes aux côtés d’anciennes gloire comme Gerrard, Carragher et Rush.

Black Scouse

«Je suis devenu fan de Liverpool à 17 ans lorsque je suis entré à la HMS (Mauritius Royal Navy). Labas tou anglais, mo tousel éna la peau foncée. Nous ti content manze la tete avec fans les autre lekip. Dan samedi tous matchs football ti ene zafaire extra avec ca quantité amater football qui ti ena la : qui so Tottenham, Chelsea, Arsenal... Sakene vine defane so lekip. Fans lekip anglais content discité. Zot crié moi ‘Black Scouse’ acoz zot conné mo Liverpool. Ca lepok la, rare Liverpool perdi mais mo fine ramasse bocou beze are fans anglais (rires). L’age 33 ans mo marié mo vine papa, lerla mo garcon, Hans, vine fan Liverpool le temps li guété qui quantité mo passionné, mo pas rate aucaine match. Dans la famille, nous a 5 freres, nous tous Liverpool meme. Hans ine suive nous et nous fier de so parcours en tant qui ene fan bane Reds zordi. Pou moi so pli grand achievment c’est quand li fine gagne Best Liverpool Supporters Club of the world award avec so London branch en 2018.

Istanbul 2005

Pli grand match mone gueter c’est en 2005 avec mo garcon Hans, mo ti pe travail ministere l’education. Deuxieme la, Jasvin, fan Manchester Utd li... Quand Milan mete 3-0 mi-temps moi mone fini abate. Hans pas kil parade, li dirmoi ress la, to pou trouvé la ! La vérité nous rane ca 3 goals la, nous alle prolongations. Ca zour la mo trouve goalie Dudek faire extremement bien. Dernier minite ti pou fini perdi match, li sauve nous, lors penalty nous gagné. Sinon, tout match mone alle gueter Anfield, Liverpool gagner 3-0 !

Une mi-temps avec Gerrard

Ene jour, Hans dirmoi nous alle guet match Liverpool lors Villa Park. Laba enan ene sel restaurant mais ena 3 lekip près : West Brom, Aston Villa avec Birmingham. ‘Steven pas pou zoué boule zordi’ mais mo pou faire garde ene place cote so siege dans gradins, to pou guet football avec li ene mi-temps. Lerla mone guet 45 minites avec Steven Gerrard ! Mone vive ene kitsoz extra ! Mais moment pli triste pou moi c’est quand Gerrard ti glisse lor boule nous perdi la League, 2014. Ca zour la mo ploré. Triss triss terrib, mais azordi Premier League ine revine pou nou. Mais pauvre Steven, li dirmoi a sak fois li tende Moris, li tende Moris, ene zour li pou vine Moris... Dommaz li pane ressi vini ziska zordi, asterla line vine entrainere Rangers... Mais bientôt Hans pou amene li Moris. Ca mo sur, banker Gerrard pou vini ene zour ! Ca li ene zalou pou li, couma Ian Rush ek les autres zouere ine vini mais pas li ? (rires).

Rush & Mc Allister

Ian Rush mone cone li depi l’Angleterre avec Hans, qui zot tou conne par ‘Soky’ laba. Mais depi Rush ine vine Moris noune vine plis qui fami. Hans couma dire Rush so garcon ca ! Sak l’année Rush vine cote moi, nous faire ene manzé. Apres mone ressi conne Gary McAllister, ca mo grand camarade ! Line vine mo best friend astere. Nou reste en contact lors Viber. McAllister assistant coach avec Gerrard astere. Apres mone bien habitier avec Smicer et Berger aussi. Jamie Carragher aussi ene gran camarade are moi. Mo ti alle dans son restaurant, ena plis qui 150 television la dans, incroyable ! Mais asterla line fermé. Li près avec ‘The Cavern Club’, la même cote bane Beatles fine crée, ca aussi c’est ene endroit extraordinaire pou l’histoire la ville Liverpool. Ca meme pli zoli place mone aller après Anfield… »