Éta é larmé, ki pé arivé dan sa péi-la ?

Pli to tourn paz, pli to trouv zimaz dir twa

Lerla to kas enn poz, ti lipié lor gro lipié, to get sinéma

To trouv Kevin pé bav dan minn anba latant sipa kotsa

To trouv li aroz gazon to dir pov diab kourpa

To trouv ti 35 nitou pé tous sali anba anba

To trouv Alvaro pé déklar sinwa nef, to dir dan bwa ki éna dibwa

To trouv politisien pé zigilé kouma dir Morisien kan li tann séga

Zot pé rod fer bourik manz lazlé, éna mamou pé déklar pagla

Alala nou pou krwar zot, look ladan, tikoulou bangala

Éna bann swadizan rélizié pé rod met choula, ar nou non papa

To dir pa kas latet ar sa bann gofiol-la, bann gopia

Twa, to problem sé tras to life toulézour, mantin va !

To ésay gard enn ti fourous pou resi bwar enn ti larak dan dimans, soup sa

Landémin pou aranz lagel, to al rod enn boulet-minn bwi, mari bon sa

To talé lor sofa to pran remote kontrol to dir ki kouyonad papa

Lor sa MBC-la éna zis program napa, to rasinn sévé fermal mama

To mank rol to al fer enn létour lor Facebook to pous enn komanter lor bann post-la.

Bann-la réponn, zot pran nisa

To dir nou bann dialog Morisien-la wé do, bon kous sa.