Fini ariv le 10 aout

Éna enkor pé dir parlment pou dissout

Moi mo latet rempli ar dout

Partou nek éna bann roder bout

Kouma dir zot pé envi fer moi trouv mo bout.

Éna pé plaigné zot dir enn lazournée pé bizindibout

Lot pé dir li pé bizin boir larout

Lot pé dir kikfois linn gagn malad lagout

Lot pé dir so camion pé rann mazout

Lot pé dir so lekip inn fer dérout

parski so bann zoueurs zot lipié zouzout

Lot pé dir so compagni pé fer banquerout

Lot pé dir toi asté apré payé par gout a gout.

Lot pe dir, li envi ekout inforout.

Lot pé dir, hey nou fer enn lazout

Lot pé dir to pou pay moi bien cher lot kout.

Lot pé dir to computer bizin reboot.

Lot pé dir to pou kapav get plein match de foot

Lot pe dir, tu m’envoûtes

apré zot dir, tu me dégoutes.

Lot dir to mem mo loulout

apré zot dir, est-ce que tu m’écoutes ?

Lapharmaci pé dir pa bliyé met dé gout

Lot pé dir pas besoin que tu en rajoutes

Bé moi mo dir, zot pensé dimounn rien a fout

Monn fini lir zot bout par bout

sakenn sakenn nek pé rod manz so bout

Vo mié mo sorti mo al manz enn cassecrout

kan fini mo boir enn yaourt

apré mo al batt enn longue laroute.

Une publication du quotidien BonZour !