Fêter un anniversaire au bureau, avec les gens avec qui on passe la majeure partie de son temps, devrait être un moment vraiment spécial. Mais c’est souvent de la manière suivante que cela se passe, dans pratiquement tous les bureaux :

- Hey, Christel so laniverser azordi

- Ouais, mo pé fek trouv sa lor Facebook, la.

- Bon anniversaire, Christel !

- Bon anniversaire, Christel !

S’ensuit une série de «Bon anniversaire» et de

«Happy Birthday to you»

- Mersi, mersi zot inn pans mwa

- Nou bizin al dézéné pou fet sa

- Bien sir

- Kotsa nou al dézéné?

- Désidé zot mem

- Non, to laniverser, twa to bizin désidé

- Non, sak fwa momem ki désidé. Azordi mo fet, fer mwa enn sirpriz zot.

- Dir twa. Tansion nou amenn twa kikpar, apré to trouv pa korek. Nou pa anvi gat to laniverser

- Kifer mo pa pou kontan. Nou pas enn bon timoman ansam ant koleg lwin ek lanbians biro

- Ok les lézot vini, lerla nou desidé

1 heure plus tard

- Bon, nou désid enn kou. Kotsa nou pou al dézéné avek Christel ? Azordi so laniverser.

- Bon anniversaire, Christel !

- Bon anniversaire, Christel !

S’ensuit à nouveau une série de «Bon anniversaire» et de «Happy Birthday to you»

- Bon, réponn kotsa nou al manzé. Propoz kiksoz kikenn.

- Mo les zot désidé, mwa séki zot dir korek mem sa.

- Ki zot dir, nou al enn restaurant indien !

- Alé right.

- Seryé sa. Restoran indien so manzé touzour top.

- Hey non, mwa mo pa kapav manz bann manzé épisé. Mo lestoma brilé ar sa.

- Bé propoz enn plas

- Kifer nou pa al sa ti-restaurant lot koté semin-la ?

- Alé right

- Non, pou enn laniverser li pa korek. Mank enn ti koté sélébrasion ar li.

1 h 30 plus tard

- Hey inn ariv 11 zer la. Désidé, kot sa nou al manzé?

Long silence

- Zot pa pé dir nanyé

- Éna sa restoran indien-la...

- Taler-la nou’nn dir restoran indien non !

- Pa kapav pas enn komann fer vinn livré?

- Pou enn laniverser, li enn lokazion fer enn sorti ansam.

- Éna enn plas... mo kwrar éna grill dan so non...

- Dipin griyé... fonn diber

- Hahahaha

- Bon, si zot pou badiné, get zot zafer. Taler kan zot

désidé, zot signal mwa

45 minutes plus tard

- Hey kot pou al manzé. Fini midi mwin 15 la, pa pou kapav pas komann nanyé asterla

- Sa plas nou ti alé dernié fwa-la

- Ayo, laba mo pa ti kontan. Dimounn get twa dan to figir kouma dir ki zafer

- Mwa mo ti trouv korek, mwa.

- Pa sa plas-la, sa lot plas la. Pou Didier so laniverser nou ti al laba

- Non, pou Didier so laniverser nou ti al manzé enn restoran sinwa

- Bé pou kisann-la nou ti al laba?

- Ziyaad so laniverser kot nou ti alé?

- Hey Sailesh, nou’nn fété so laniverser?

- Mo laniverser pankor vini

- Aster mo pé rapel, pa ti enn laniverser sa. Zot koné ki ti été sa, ti enn farewell ; enn tifi ti pé kité.

- Wi, Wi... li ti pé maryé, to éna rézon. Mwa ousi mo pé rapel aster

- Extra sa zour-la. To rapel zot ti mal pran to komann, lerla to ti gagn manzé an rétar?

- Bon, zot pou désidé kot pou al manzé ouswa zot pou kontinié ek bann souvénir la?

30 minutes plus tard

- Bon, fini midi 15 la. Nou al kot dernié fwa nou ti alé la mem. Si res atann, létan ariv laba, pas komann, dimounn pou fini gagn gaz la.

- Alé right seryé sa

- Non, dérnié fwa nou ti al laba, pa ti bon ditou

- Bon, twa, monn fatigé tann twa. Tou plas pé dir nek alé right

- Ok, sorry alor

- Ek twa, tomem to dir séki zot dir korek, Selma manzé indien to pa kapav manzé, lot plas dimounn pé get twa dan to figir, lot plas manzé pa bon

- Si koumsa, les li mo pa pou vini

- Zot dé la, pa lager la, Christel so laniverser azordi. Nou montré nou enn lékip solider

- Sa mem dernié fwa mo vinn laniverser ar zot

- Nou al kot dernié fwa lamem. Korek sa

- Hey al touzour zot, mo vini la. Mo pou bizin pas enn kou labank

- Mo vinn avek twa, mwa ousi mo bizin tir inpé larzan

- Dépi pli boner to pa ti kapav fini al labank

- Zot kapav alé, pas komann touzour si zot oulé

30 minutes plus tard

- Kot zot? Tou sa létan-la pou tir kas labank? Kiété? Bé kot zot inn alé? Nou pa’nn dirr nou pé al kot dernié fwa lamem? Vinn vit aster

- Kot zot inn alé?

- Zot inn al enn lot restoran zot pé atann...

- Bon, pas komann enn fwa. Pa pou kapav atann.

Mo vant pé gagn gaz la

- Aret ankoler. Fer enn bon sourir, taler nou fer enn selfie nou tou ansam

- To koné, mo pansé ki kouma dan zwé Qui veut gagner des millions, nou ti bizin gagn bann lifeline kan pou desidé kot pou al manzé. Koumsa kapav

Phone a friend ou soit Fifty fifty ou soit Ask the audience

- Bon, kozé ki zot pou manzé. Zot pé fer waiter-la atann la

- Oui, dégazé nou pou retourn travay tar la...

- Donn-mwa meni-la, les mo désid enn kou!