Missié Longanis, tarélogue diplomé dé France, pé propoz tou bannpolitisien, minis dépité Morisien bann pri sok lor so bann servis pou ki zot kapav koumans lané 2018 kouma bizin. Pa ézité pou kontakté li lor 5 69 36 40 ou bien lor WhatsApp, Facebook, Twitter, Viber, Skype, ou bien par télépati.

Get destin gouvernman sipa pou gagn koutpié an 2019 : Rs 4 000

Tir lizié lor bann chourel ek lafami ki zot donn travay deryer lédo lépep : Rs 6 000

Fer pass lor zournalis pou ki zot aret kritiké : Kado

Travay simitier pou ki zot rési kontinié asizé bez kass : Rs 5 500

Avoy bann lenmi manzé : Rs 14 000

Kass ménaz bann lézot parti politik : Rs 2 500

Touy poul nwar dan lakrwazé pou ki pa dékouver zot bann magouy : Rs 6 500 (poul, limon ek koko ofer)

Pouss movézer pou ki zot pa bizin step down kom minis : Rs 8 000

Dress lakour pou ki minis Prins pa vinn gat makaroni : Rs 3 500

Tir soy : Rs 600 (pa blié amenn enn slip)

Gali gali (package konplé) : Rs 10 000 

Napa rat sa lokazion inik-la, sinon zot pou sagrin.