À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

TarZan mari dan dife.

So lafore inn raZe.

So larivier inn detourne.

So bann kamwad inn ekstermine.

Jane inn beZ sime inn ale.

Dan lavil linn sey trase.

Me li pa pe kapav adapte.

BaZ la tro poli.

So liZie pa arete larme.

So nene wadir enn robine deregle.

BetonaZ sovaZ partou kote.

Sanse apel sa modernite.

Dan enn sanblan sosiete.

Kot tou pe vir anba lao. Setaki pe deklare.

Pa dapre seki Zot ete.

Me par seki Zot posede.

Bann gourma Zame gagn ase

Toultan Zot res demande.

Ziska Zot kapav mor toufe.

Mantalite ... pa koZe.

Vir ki tourn tourn ki vir mem Zafer ki deroule.

Ziska laverite inn demode.

De nos Zour ZiZman inflianse par lintere.

OUI laverite inn demode.

ZiZman inflianse par lintere.

Satan mem inn demisione.

Kan linn trouve lor Later ena boukou pli diabolik ki

li ekZiste.

Sirtou bann ipokrit degiZe.

Ki servi nom bann bondie.

Pou Zot abiZe.

Pov TarZan ... enn ti natirel perna pou li konsome.

Partou disik maron ek sinte ki pe touye.

Marsan lamor pe miltipliye.

Lavi Zen Zen Zanfan pe anvole dan lafime.

So moral mari dan beZe.

Kan li trouve ki vites limanite pe rekile.

Enn lakaZ abandone li ti pe skwate.

Linn gagn enn ti boulo sekirite.

Apre demars NHCD.

Linn gagn enn meZon pou li reste.

Kan li fini travay li rantre.

Li Zet lor so lili li koumans reve.

TOUTSWIT so lespri vwayaZe.

Direk dan so plas prefere.

Kot li retrouv limem ar so bann kamwad pe amiZe.

Dan larivier Zot pe naZe.

Plitar avek Jane li pou fer so gro gro gro gate.

Me kan so somey kase.

Li biZin fer fas la realite.

So lafore inn raZe.

So larivier inn detourne.

So bann kamwad inn ekstermine.

Jane inn beZ sime inn ale.

Jane inn beZ sime inn ale.

Jane inn beZ sime inn ale.

Bye-Bye Jane.

Bio

Rishi Kaundun

Passionné d’art sous toutes ses formes, et féru d’histoire et de géographie, ce fana des mots et parolier a pour nom de scène GaG-All. Il a joué le rôle du compagnon d’Anjalay Coopen dans le film «Dan la kal nou memwar» en 1995. Ayant rejoint la famille slam en 2019, il a fait l’ouverture de la «Sware OmaZ Siven Chinien et Bam Cuttayen» en mars 2023. Il cultive l’humilité et voue un grand respect à tous ses semblables.