À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

3min10

Pou vinn rakont mem zafer

Rouz, ble, zone, ver

Kouler nou lasiyer

Aret kiltiv laenn

Fer lape ar to frer ek to ser

3min10

Pou vinn sansibiliz zot

Fode pa fime

Lalkol pa bon

Ladrog pou detrir twa ek to fami

3min10

Pou slam lor kitsoz ki zot deza kone

100 kou nou pou vinn koz mem koze

Lanatir sakre

Pa zet salte

To zete to tase

Toukou pou vinn dir zot kitsoz

ki zot okouran.

Pa roul vit

Mars dan kwin

Get de kote avan traverse

100 kou pou vire tourne ek

sansibilizasion

Koz lor violans domestik

Fam pa res dan enn relasion toksik

Pa zis konn dir non

Fer tou seki posib pou sorti

dan sa sitiasion

Kit mo lakaz mo voyaze pou gagn zis 3min10

Pou koze lor enn size ki ena sans

Mo sezi mo sans

Dan lespwar ki mo’nn resi

kaptiv zot latansion

Slam mo mision, mo pasion.

3min10

4...5 jury

Ki pe atann enn text lor lamour, lanatir, dinozor

Me mo’nn deside pou ekrir enn text pou

dir haut et fort

Mo’nn fatige sansibiliz

bann seki zame ena tor

Bann ki pa santi zot konserne

Bann deklar sour ek mie

La o final mo’nn pran mwins ki de minit

Pou dir seki ena dan mo panse

Bio

Julia Achille

Concierge dans un hôtel dans l’Est, elle a découvert le slam grâce au concours interscolaire en 2015. Elle est depuis une amoureuse de la plume, au nom de scène Sista Yah.