À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Ena enn zafer bien ipokrit

Ki pe deroule isi dan nou Repiblik.

Dan nou sistem lor plizier nivo ena bann konplis

Ki pe soutir enn gran linzistis.

Boukou pei pe legalize.

Nations unies inn dir bizin deklasifie.

Isi zot mem pa pe pans pou depenalize.

Bien okontrer se persekision ki pe intansifie.

Lagazet mo ti trouve.

Dan radio mo ti tande.

Televizion ousi ti pase.

Partou bann-la pe derasine.

Aret ras sa pie-la.

Aret ras sa pie-la vouzot.

Poz inpe ek sa bann move metod.

Zot problem zot nek trape zot met menot.

Eyyyy... Aprann viv inpe ek zot lepok.

Zot pe trap ti konsomater

Akoz zot bann fimer.

Zot pe krwar enn gran zafer.

Ler gete mari erer.

Elikopter zwazo maler.

Li anvol dan lezer.

Detekte enn bann kiltir.

Misie-la pou vinn detrir.

Koumsa mem disik maron

Pe rwinn nou popilasion.

Sa li enn move pwazon

Pankor trouv so solision.

Azordi seki simik

Pe ranplas seki mistik.

Dir mwa bann politik

Si zot trouv sa lozik?

Sintetik komie dimounn inn touye.

Lavi zen-zen zanfan anvole dan lafime.

Kan mem sa dan tou ti kwin sime

Marsan ape vande kouma ti pate.

Lakoz samem nepli ena sekirite.

Zordi fer gagn per pou marse.

Toulezour nou pe tande

Vol ek krim ki deroule.

Be zafer-la.

Samem mo pe mansione la la la aster-la.

Zot kone ki ete sa?

Li osi enn medikaman.

Dan boukou ka limem meyer tretman.

Li osi enn bon kalman.

Ki amen soulazman.

Pou mo bann Frer ek zot bann tribu se enn

nouritir spiritiel.

Avoye par leternel.

Enn zafer natirel.

Les zot konplet zot bann ritiel.

Apre si li form parti kiltir nou pei.

Nou bann fami ti amenn li kan ti imigre isi.

Pa akoz enn bann gopia pa pe konpran li

Ki lezot pe bizin pini.

Koste do mo bann Frer.

Leve wai mo bann Ser.

Komie tan nou pou pas mizer?

Inn ler pou liber lanatir.

Liber lanatir.

La Na Tir...

Bio

Passionné d’art sous toutes ses formes, et féru d’histoire et de géographie, ce fana des mots et parolier a pour nom de scène GaG-All. Il a joué le rôle du compagnon d’Anjalay Coopen dans le film «Dan la kal nou memwar» en 1995. Ayant rejoint la famille slam en 2019, il a fait l’ouverture de la «Sware OmaZ Siven Chinien et Bam Cuttayen» en mars 2023. Il cultive l’humilité et voue un grand respect à tous ses semblables.