À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Mama Lafrik, later mazik

To enn kontinan manifik

Kreasion Liniver

Ranpli ar saler

Enn later bien ris

Parmi, ena nou ti zil Moris

To bann miltip trezor

Inestimab, vo plis ki lor

Ar douser to anvlop to bann pei

Dan to lebra zot a-labri

To bann pep lapo ebenn

Ador twa kouma enn larenn

Tou bann langaz, kiltir melanze

Tousala ansam fer nou fierte

Mama Lafrik, later mazik

To finn konn soufrans, douler

Kan zot finn desir to leker

Laswer, disan ti koule

Kan to zanfan ti derasine

Enn tristes pou limanite

Bann sekel touzour prezan

Kolonize, devaste, deposede

Apre plizir zenerasion zanfan

Me nou bann zanset ti ansengn nou

Ki nou kouraz pli for ki tou

Nou rezilians finn rann nou for

Avek konfians nou pli for ankor

Malgre tou nou ena lasans

E nou fier nou lapartenans

Mama Lafrik, kontinan mistik

Berso limanite kot tou ti koumanse

Nou pou kontigne sante, danse

Nou pou kontigne avanse, existe

To nom, to bote nou pou selebre

To grander, to valer, to bann kouler

Mama Lafrik, kontinan nou leker

BIO

Elle est enseignante de «Kreol Morisien» au primaire depuis 2012. C’est sa langue maternelle qui lui a donné l’envie d’écrire, et de faire de la poésie et du slam. Elle a eu la chance de participer à plusieurs événements autour de la poésie comme le «Festival Kreol», «Poezi Fam» et la Journée de la francophonie. Elle écrit aussi des textes en français. Poem ekrir par Francesca ek bann zelev Marie Reine RCA pou «Africa Day 2024».