À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Maa, mami, maman...

Tou non ki monn finn kriye twa finn

ena «ma»

Ma... Ma mère, ma maman,

Ma chérie, ma tendre mama.

Osi mo meyer adverser

Tou diskision,

Ti ena so rezon

Enn egrer ki tiamenn enn peps dan nou

relasion.

Me kan ti finn ena akalmi tanpet de

mer a lorizon

Avek tendres et saler to ti pe anvlop

mwa dan to lamour

Zame mo finn bizin sarye enn leker lour

Parski tou le aswar mo ti kapav dormi an-pe

To ti pe sarye mo douler ek protez mwa

ar to lepe

Mo ti fer bann betiz,

Mo finn fer twa gagn bann kriz

Me parey kouma sa trwa ne ki ti ena lor

sa bout kann

Ki nou tiape partaze dan Samdi, san ki

nou gagn rann

Nu relasion ti sinp me solid.

Nu lamitie ti indestriktib ek solid

Mo kontan servi sa mo solid-la

Parski mo mama finn permet mwa ena

enn kara solid

Solid dan latet, solid dan lam

Solid dan latet, solid dan lam

Kan mo ferm mo pwin...

Mo ranferm mo sagrin.

Me mo mama pran mo lame,

Plas li dan so lame

Ek pran seki fer mwa soufer

Li donn mwa enn sourir ek enn lafors

danfer

Pou twa maman...

Enn de ti mo pou rann twa omaz

Ek pou dir twa ki azordi mo pa sagrin

ki mo finn perdi mo maman...

Me mo finn gagn zis tou lor de to pasaz.

Bio

Parameshwaree Munisamy-Odoye

Mère comblée, elle est tutrice pour les enfants de milieux difficiles qu’elle accompagne dans leur parcours académique et psycho-émotionnel. Adepte de manga japonais et de lecture, son amour pour l’écriture et la poésie ne l’a jamais abandonnée. Elle s’adonne au slam à travers des tournois mensuels sous le nom de scène de Ti-Roushna, et elle a corédigé les anthologies «Love and Longing : an International Anthology of Poems» et «Mauritius, Caught in a Dream».