À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Personn pa kone ki form mo leker

Ki’nn form mo leker kapav la weed ou la liqueur

Mwa mo enn king me dir eski mo queen li care

Mo pas mo letan joke kitfwa akoz sa mo enn joker

Mo revel mo ena plizir vizaz

To pou gagn seki bon si avek mwa to enn fille saz

Kitfwa mo leker ena bokou fisir

Vaut mieux se tenir à carreau parski momem mo nepli sir

Komie pik mo pou kapav sibir

Mo leker ase pike ki to pou kapav dir

Ki mo leker ouver kouma enn savan

Ki mo leker li dir kouma enn diaman

Ek mo leker mo krwar li inpe tro ti-zan

Kitfwa sa zot panse mo enn ti zan

Apre lamor mo bwar latizann

Eski lao ena artizan

Bio

Deus Black

De son vrai nom Yann Jamin, il y a eu 22 tours de la terre autour du soleil depuis qu’il est ici, mais on croirait qu’il a passé des milliers de lunes. Il est un parolier et artiste. Son but est de créer son propre univers qu’il vous laisse découvrir.