À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Mo santi freser rant dan mo lapo lezo

Freser dir mwa ki la, mwa ki pou la

Li perse dan mo lapo, transpers mo leker

Mo leker bate mama, bate kouma tanbour

Mo santi freser rant dan mo lapo lezo

Divan soufle, kouma piplet 7 kaskad

Li danse, li danse lor son ravann

Divan bate, mo santi freser-la

Mo lapo lezo kaye, divan bate

Bannla kriye, li ape vini mama

Galoupe anou ale, twa pouri anvole

Kouma servolan kas lakord

2 bwat sardinn dan tant rafia

Tibaba lor lerin, 2 roupi 25 dan choli

Anou ale dan village council

Nou pou kole ansam dan saler

Zekler tonbe, loraz gronie ek plezir

Dan 9 mwa tibaba pou trouv lizour

Ti-pa ti-pa li koze mama

Ki ting ka tang, ki ting ka tang

Katora ouver, enn farata ek so zonion

Pima ver nou partaze

Map Moris ouver ek enn son sek

Krack… Enn grog pou gran dimounn

Anou pous movezer

5 limon lor lakrwaze, labouzi blan ek rouz

Enn koko kraze satini

Kok-la kriye, soley leve

Shhhh……. Siklonn-la bate.

Bio

Prisheela Mottee

She is a fervent feminist and advocates for gender equality through the association Raise Brave Girls. She is also passionate about art and expresses herself through poetry and Artline paintings.