À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Kan vwazin fat yenn, kartie antie reveye

Tou kalite son, se ki pe tonbe, ki pe kase

Pa koz zoure, sann-la dan sak fraz repete

Li koumans tape, bonnfam-la kriye,

Koumans plore ziska li fini par sede

Donn li ti biye ki reste pou li al met koste

Leker desire, dan fon lam revolte

Parski parfwa li merite korize

Li’nn anfonse, inn ariv kot li mem nepli kone

Kan ariv so ler pou pike ou bien simike

Nanye apar sa pa existe

Mo la, tann bonnfam pe plore

Mo mem pa kone ki pou panse

Mo ti panse li pe aret koze

Li ale mem, li pa oule sese

Ankor enn fwa leker manman

Li res kontan so zanfan

Mem dan bann pir moman

Mem kan parfwa vers larm disan

Aswar fer, piti vinn poz lespri

Li’nn ale, li’nn vini

Divan inn sakouye li isi, sakouye li laba

Pou zordi li’nn resi, demin koumansman enn lot konba

So ti lekonomi inn fini

2,3 ti roupi tipti inn pran li

Sa mem ti larzan ti’nn prevwar pou li

Li’nn pran tou li’nn fer fini

Bio

Gabriel Gaspard

À 42 ans, il pose des mots sur ses pensées à ses heures perdues au Canada, surtout sur tout ce qui touche de près ou de loin à la société et aux humains. Les diplômes ne sont pour lui que des feuilles de papier qui l’aident à gagner sa vie car sa vraie vie, ce sont les mots.