À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Tou kouler

Anvole dan lezer

Rouz ble zonn ver

Kouma paviyon Moris

Mo ris

Kan mo get dan ler

Enn rises ki tir stres

Zot ti lezel ouver

Bann ti zwazo

Matin midi tanto

Zot flote

La O la O

Pou amenn nou moral pli O

Akonpagn nou dan nou konba

Met nou dan lazwa

Pou nou zot touzour la

Ek zot bann ti melodi

Zoli zoli

Leker kontan zorey aplodi

Comme a dit

Maadi Maadi

Bann gro bann piti

Net kwi kwi

Kouma zot fer

Kwi kwi

Tousala zot pe dir nepli ena pou

Kwi

Kwi kwi

Nepli ena fri

Ni zabri

Kwi kwi

Nouri nou zot kriye

Se enn kri de detres

La sesres zot pe anonse

Kot gete

Pie pe koupe

Olie plante

Zot pe arase

Ziska mem bann zarb fritie

Zot pe tire

Beton pe ranplase

Tanperatir pe monte

Polision pe leve

Lapli nepli tonbe

Ek si li tonbe

Partou inonde

Mama lanatir pe plore

So leker pe sengne

Kouma Timan-la li kriye

Me personn pa tande

Man

Abize

Blakkayo ti kone

Depi lontan

Li ti anonse

Me isi Timan-la se lanatir

So bann zanfan

Zanimo sovaz ek eran

Dousman dousman

Pe disparet

Domaz net

Modernize zot dir

Huh pou avoy nou 6 pie sou ter

Zot pa dir

Sa mem later

Zot pe fer vinn lanfer

Martir

Dimounn pe kwi

Pa manze

Nanana pena pou kwi

Berger Agathe depi lepok ti dir

Aster dimounn pe kwi ar saler

Mari dir

Nepi ena ler

Nou pe soufer

Sitiasion pa’nn sanze

Dimounn ti deza mizer

Aster

Pe vinn deplizanpli pir

Pli ale

Pe deteriore

Olie evolie

Imin pe degrade

Mantalite

Les a dezire

Kot nou pe ale

Si sa kontinie

Ena sans pa trouv dime

Bizin rod enn sime

Pa’nn tro tar

Ankor ena lespwar

Si nou azir

Dan sir

A ler

Pa fer ler

Ouver to leker

Ar mama later

Limem ki pou fer to boner

Nou rann nou la zenes fier

Nou asir

Zot lavenir

Sov nou lanatir

Sov nou lafors

Cassiya res sante

Me personn pa ekoute

Si sakenn

Enn par enn

Konn so responsabilite

Nou kapav kontribie

A ameliore

Anou leve

Bouze

To destine

Dan to lame

Nou koumanse

Par plante

E non pa derasine

Ase fer gaspiyaz

Fer triyaz

To salte

Resikle

Aret zet manze

Donn zanimo lor sime

Enn zourne

Zot res trase

Pou sirmonte

Kan twa to trape to bate

Aret sa kalite move

Pou peye apre

Dan twa met inpe bonte

Imanite

Ti miet dipin ou gato reste

Donn ti zwazo manze

Li vey zis sa pou so vant ranpli e

Kapav kontinie sante

Pa zis pou mo tousel

Me pou nou tou ki enn sel

Ek par so bote

Dekor nou zoli lesiel

Bio

Alia Kala

Après plusieurs années passées dans les médias, la pub, le marketing et l’événementiel, La Vibe Girl (son nom de scène) se réinvente coach de bien-être et yoga. Et depuis qu’elle s’est aussi retrouvée poète et slameuse, elle décide, désormais, d’exploiter ses talents au maximum pour mettre en avant son côté artistique, ainsi que partager de «good vibes» à travers sa poésie pour motiver et sensibiliser les autres.