À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Telman konekte, zot lam ti fer enn sel

Apre de-trwa banane, pann ezite pou

grinp lesel

Galoupe al sel letinsel zot lamour pou

fer enn sel

Bien kolore

Kouma enn bouke fler, bien tali

Apre dan mem tablo, enn bann kouler

koumans pali

Eski vremem sa ti vo lapenn?

Akoz aster so sel refrin se esey penn ek

retenn so lapenn

Sa ti enn erer, zot ti ankor zenn

Tou ti diferan ek premie fwa

zot ti zwenn

Nanye pa ti parey, lavi inn perdi valer

Toulezour mem routinn, lev lizie ver

lesiel pou rakont so douler

Akoz lor so lekor ti ena bann tas

mem kouler

Enn sipote, enn kalot inn vinn enn kou

Exkiz mwa, se zis enn reflex ki’nn vinn

enn kou

Violans zordi li’nn konn so pla, so reset

ek so gou

Akoz li ti bizin «pa koz sa,

se enn tabou»

Ti res zis enn lam ki’nn detin

Makiye ek kasiet a kou fondetin

Akoz lesiel ek so lapo ti pe konfonn tin

Sourir lor so vizaz nepli paret

Ploye devan ladversite violans

So lazwa de viv inn disparet

Me enn bozour apre lapli

Inn gagn botan

Li’nn denonse pou regagn sourir ki li

ti’nn perdi depi lontan

Mem si to lavwa tranble, pa per pou

dir seki bizin dir

Koze, fer tann to lavwa pou evit le pir

Repran twa, akoz ena boukou pou viv

Retrap to plim ek kontign to zistwar

dan paz vid to bann liv

Rapel twa ki devan twa pena nanye

ki inferyer

Rapel twa ki to enn fam, to lafors trouv

a linterier

Fam, to merit respe, to merit valer

To enn eleman esansiel ki lemond

reklam so douser.

Bio

Julianick Casimir

Originaire de l’île Rodrigues, elle aborde des thèmes variés allant de l’injustice sociale aux rêves des jeunes de sa génération. Du haut de ses 17 ans, elle a intégré la Rodrigues S’kool of Art en 2020 et brille déjà sur la scène du slam. À son actif : le premier prix d’«Un Incroyable Talent» à Rodrigues, une participation au «Spotlight Talent Show» à Maurice en 2020, et une nomination pour le prix au «Tann Grofi Artists Award» en 2021.