Li ti kontan so langaz mama, ti kontan koz so kreol. Ek so lalang pa ti dan so pos… Dev Virahsawmy – poet ek lingwis – finn désédé yer swar, li ti ena 81 banané. Li ti pé lager kont enn cancer lefwa dépi enn moman ek li ti pé milit pou itilizasyon delwil cannabis pou bann malad.

Avan li alé, li finn zwenn so bann kamarad dé long date, kouma Paul Bérenger ek li finn oussi zwenn Prémyé minis, ki ti al rann li enn vizit. «Mo’nn dimann li gété dan ki fason li kapav ouver laport a dé prozé inportan, swa litérasi ek aritmétik ki bizin réintrodwir dan ti klas. Mo’nn dir li ed mwa ouver laport Extended Programme. Lor sa bann pwin-la, Pravind inn montré so aprésiasion», li ti pé konfié apré sa rankont-la. «Mo’nn diskit avek Pravind ek mo’nn dimann li gété ki possibilité éna pou l’Eta asté sa bann drwa d’oter-la avek l’Egliz pour Rs 10 millions, pou mo l’oeuvre vinn patrimwann dé l’Éta ek bann Morisien. Si li fer li, mo’nn dimann l’Égliz katolik servi sa kas-la pou lédikasion bann zanfan kréol dan sité. Mo espéré ki Pravind pou kapav fer li.»

Antouka, Dev Virahsawmy pou les enn zoli léritaz kiltirel deryer li. L’express prézant so sinser kondoléans a so fami ek bann pros. So finéray pou ena lié a 10 h 30 , à Rose-Hill.