À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

To dir to dan geto

Selma kot twa ena kouran ena dilo.

To dir to dan geto

Lekol ek lopital to gagn kado.

Kan napa konn vre sinifikasion enn mo

Napa servi li koumadir zako.

Sharpeville ek Soweto

Sa ki ti apel geto.

Kot zom ek fam ti persekite gramatin tanto

Akoz zot kouler lapo.

Be twa ti avoy twa kolez pou nouri to servo.

Laba to’nn al deklar bel peto.

To’nn fer tou kalite move nimero

Ki souvan ti trouv twa dan rekter so biro.

To mama pe rinte dan lizinn to papa pe trase dan karo

Zot pe fer tou pou pous twa pli lao.

Twa kote zefor to pe fer zero

Pou zot tonn vinn enn mari fardo

To nek glase lor bann rezo sosio.

Gramatin to poste to bann foto

Aswar to an live lor video

To pe pran twa pou professer Massimo.

Apenn to’nn vinn ado

To frekant enn lekip maskaro.

To koumans fime ek pikolo

Met nisa apre to al fer idio.

Koumsamem lor lagar to al lev ek enn poliko

Zis pou rod glwar pass pou enn ero.

Kan banla vinn aret twa to ti tir kouto

Fer to mama plore trouv twa dan kaso.

Sa pann sanz twa to napa le boulo.

Ar boukou dimoun to pe fer eskro.

La to pe vir ek enn bann mafiozo

Zis pou gagn bon roul dan bel bel loto.

Be gopia banla ti servi twa pou al sers enn kargo

Rekonpans swadizan to pou gagn enn bel moto.

To pa ti kone koltar la ti so

To al gagn brasle sere ziska lezo.

Aster to pe res bo-basin dan enn sato.

Kot gete trouv zis miray barble ek baro.

To bann paran zot leker mari gro

To pe dormi boner avan bann zwazo.

To pa ti pou la si to larout ti reglo.

To ti pou dan to lakaz ape fer dodo.

Mem si to lasam li pena laport li ena rido

Sel plas kot to ti kapav gagn enn vre repo.

Pou to nesans garson... maman premie lo.

Tou bann fami ti dir eutaaa to enn zoli kado.

Be twa to’nn ramas tou kalite defo

Par toem to’nn met twa dan geto.

Bio:

Rishi Kaundun

Passionné d’art sous toutes ses formes, et féru d’histoire et de géographie, ce fana des mots et parolier a pour nom de scène GaG-All. Il a joué le rôle du compagnon d’Anjalay Coopen dans le film «Dan la kal nou memwar» en 1995. Ayant rejoint la famille slam en 2019, il a fait l’ouverture de la «Sware OmaZ Siven Chinien et Bam Cuttayen» Le 11 mars 2023. Il cultive l’humilité et voue un grand respect à tous ses semblables.