À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Mone ne, pas par amour

Mais par nécessité

Enn mélange de noir ek blanc

Maître ek esclave

Richesse ek pauvreté

La mer finn saryer mo noyaux depi 4 coin lemorn

Kuma enn lotus

Depi la mare monn emerge

Mais kuma enn pie baobab

Mo racinn finn encrée

Lor sa ti zil Ki nou apel moris

Mo apel kreolite

Monn grandi

Paski kan to ti p ggne baT

Ti p bisin communiquer

Autour dife

Sega engagé ti p jouer

Pou blier la peine ek souffrance

Zot ine santé danser

Mais toujours dan linite

Mo apel kreolite

Mo enn langaz rempli ek l’émotions

Enn façon d’expression

Ban paroles kine servi pou bercé

Pou blier ban atrocité

Mone res change

Kuma enn adolescent mo ti p rod mo identité avec enn baz français ek anglais

Sak parti inik

Paski mo Sorti aussi depi Azie ek lafrik

Mo ena different dialect; Rodriguai, agaléain ek chagossian

Kuma ban bon voisin ki partaz disik

Nou noune partaz ban mots; siloy, bouldou, Dalon

Mais azordi mo pas zis ban paroles santé, paroles grand-mère

Mo dan media, L’Art Poésie ek lecture

Monn ggne enn façon ekrir

Trouv mwa dan programme scolaire

Apel kreol morisien

Mo apel kreolite

Ek mo senti mwa bien fière

Vinita Hoolash

Bio

Passioné ek lavie, li retrouv bote dan poezi ek sians. So sourir eklair tout lespas ki li ete. Li enn zwa 2 viv.