À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Mo pou dir seki mo ena pou dir

Mo pou exprim seki mo ena pou exprimé

Less nou komans par nu nesans

Zot dir ki nou tou lib ek ego

Mé nou konpran ki li fo

Kan nou komans gagn konesans

Nu sipozé doté de konsians ek de rezon

Mé ena zot konsians inexistan ek zot rezon an dérizion

Kan milion innpoz lor latab

Drwa imin al kasiet emba latab

Ek la nou kav vinn plis ki zanimo

Sirviv lor minimum

Servi o maximum

Eski drwa imin li zis lor enn paz pou geté

Eski vremem li inivesel

Et kan ena ban lavantaz finansié

Ena get dé koté mé trouv zis enn sel

Zot dir ki tou dimounn ena drwa o repo

Mé pena repo pou twa kan toulézour to o milié enn

lanklim ek enn marto

Ou kwinsé dan enn léto

Pena repo pou twa kan to pé bizin boulo pou kav

amenn enn fardo kinn inpozé lor to ledo

Aster mem nu lwaszir

Sé pa nou ki swazir Si to trouv twa pena boukou swa

Se paski to portfey ki désid pou twa

Lwazir nepli enn drwa linn vinn enn privilez

Ek si to lev lavwa pou dir sa, ena kav dir sakrilez… sensir li

Mé mo pou dir seki mo ena pou dir

Mo pou exprim seki mo ena pou exprimé

Bio

Blackwell Louis

De son nom de scène D Black Wizard, il est un jeune poète et slameur. Lauréat de plusieurs tournois de slam, champion de slam national l'an dernier, il a représenté notre île à la Coupe d’Afrique de slam en 2023. Il a su se démarquer grâce à des textes qui traitent de divers sujets, avec une note particulière pour les textes engagés sur l’environnement et les droits humains.