À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Zanfan ghetto bien kontan mars alez

Zanfan ghetto bien kontan mars alez lame balanse

Zanfan ghetto zanfan ki to rod imite

Sanse si apel twa welo savedir tonn resi integre

Mo pou koz fran pa pass par 4 5 sime

Pou ena zis laverite fuck it si mo al ferme dime

Premie Size sanse

Moris paradiziak

Kifer ena diferans ant ti

Rodrig ek zanfan Flic en Flac ?

Me sak 5 an to ena pouvwar lor to lakrwa

Ena ki dir twa vot blok zot pou donn twa enn lakaz an beton

Li anbetan kan apre eleksion to pe mari rod zot

Zot tro lao pou zot tann to lavwa

Kifer ankor ena ki anfil semiz ble

Inn sign pou defann sitwayin me se zot mem ki fer twa trouble

Mo Pa anvi slam pou zeneralize

Me silvouple mo zeneral inn ariv ler pou ouver ou lizie

Dan sak regar ena enn soufrans ki pe kasiet

Vinn milyoner malerezman pa tou dimoun ki ena so reset

E si lavi ti enn telefonn ou enn headset

Premye zafer mo ti pou fer se restore ou reset

Bokou patron dir travay plis si to anvi vinn riss

Pran to kass ek to permision mo appel sa enn Minis

Ena zom ki fote akoz sa ena feminis

Enn zom ki touy enn fam be pou sistem se zis enn fe minim

Mwa mo salye tou ban ki ed ban demini

Ban ki swiv demini pou kone ki zot devini

Ban ki lir tristes dan lavwa zot konn devine

Ena pou ggn lazwa pe oblize al get deviner

Personn pa Lerwa

Personn pa Lerwa

Alor mo pran en minit pou medit pou redir li

Personn pa lerwa

Dan sa lazing kot tou zako pe vey zot montagn

Li difisil pu konstrir me pou detrir li ziss enn sinp detay

Si tou zafer ti vraimem atribye o merit

Abe bokou ki lao oblize redesan o pli vit

Lamour se enn lantre me diferan sorti

Afors nou konplike li vinn enn inpas

Napa koz manti

Dir moi de fwa kan to tousel eski to repanti ?

Dir moi de twa a mwa

Eski zordi tonn koz manti ?

Nou Tou ena enn destin pa bizin to fer 1 desin

Ena ki viv li

Ena ki less sa ant «les mains des saints»

E mo apresie lavi alez la tet lor mo kousin

Personn pa ggn lev mwa ni mo mama ni mo revey

Zot dir twa lemond pou sanze

Se pa demin lavey

Tou dimounn happy ?

Se zis kan zot fek gagn lapey

Bokou kiltiv lorgey

Pa pe dir twa al fer parey

Dan lavi ena 2 kan

Seki separe e seki repare

Sertin kontan mo plim

Pou Sertin mo zis enn tare

Pou sertin mo ankor pe apran

Pou sertin monn fini pare

Mo ena bokou a dir

Mo pre pou ekrir enn rekey

E si Personn pa lir

Mo ava amen li dan mo serkey

Stewelderson Casimir

Bio

Poète, slammeur, rappeur, conteur et fondateur de la plateforme SlamUp Poésie, impliquée dans l’organisation de scènes de slam dans l’océan Indien et des ateliers. Il découvre le slam à l’âge de 15 ans influencé par le rappeur français Kery James et Grand Corps Malade. De son nom de scène Le Penseur Ébène, il a un album à son actif intitulé «Gran Nwar».