À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Zafer la tourne, wi, li kouma enn sikl Sak kiksoz ki nou fer, li kre enn sertenn deklik Li amenn nou ver enn regar inpe pli kritik Insi va lavi, zot dir se la lozik Non!

Li pena nanye de matematik! Li pena riyin a vwar avek le pratik! Kouma pou explik sa an term siantifik? Sirman ki li ena kiksoz a vwar ek le mistik!!!

Ena inn esey get sa avek enn regar filozofik Zot inn prefer pa pran letan, donk mekanik Par dediksion zot inn dir ki se enn ‘puzzle’ ou enn brik Ki mank sertenn eleman, donk, pason a dotr trik

Me mwa dan mo latet ena touzour ENN IK! Zot pe fer bann explorasion galaktik Ki kout par milion an term de frik Me zot pa pe kapav rezoud enn problem mikroskopik

Lekonomist analiz sa lor enn plan ekonomik Pou li letan se larzan, donk li osi linn rest mekanik Linn definir sa dan enn fason enn ti pe tro bank – etik Apresiasion, depresiasion… ek tou seki inplik

Mo rapel li ti dir enn zafer di zar drastik Me mo pann konpran exakteman a kwa sa fix Monn konsilte diksioner, monn verifie bann trik ansiklopedik Monn perdi de’l koumansman, esey imazinn laswit!

Monn tourn mwa ver bann diferan kilt, diferan pratik Me monn gagn enn bann repons fransman tro platonik Sete enn diskision ki ti inpe tro patetik Monn pran lafwit, kar ti ena zis sa kom replik

Answit monn al zwenn bann lezot diferan klik Lasosiasion de fam inn konsey mwa d’et romantik Dan lanatir monn zwenn avek Lom Dick ‘Memory band’ ofet hmmm… kromatik!

E malgre ki mo tiena bann kamarad pasyfik Sakenn ti ena so lopinion, donk diverzans dramatik Me erezman sakenn ti ena so kote synpatik Kinn termine par enn konversasion mi komik, mi sinbolik

Finalman Si li pena nanye de matematik Ki li pena riyin a vwar ek le pratik E ki pa kapav explik sa an term siantifik! Definitivman li oblize konsern le mistik

Ena sertenn repons ki rest san kestion!

Seeee….

ENN….. IK!!!!

Bio

De son vrai nom Ravaton James Clovis Stephan, Lionkklash est un auteur, chanteur, interprète, compositeur, rappeur, poète, danseur, slameur, MC, animateur commercial et animateur à la radio nationale.