À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Mo plim ti inpasian pou ki so lank koz inpe

Enn ti laserin, rãnn mwan serin, mo bien ek mo lespri an pe

Kouman enn vie let poste depi plizir lanin,

Asize devan laport, mõ’nn atãnn li arive depi boner gran matin.

Mo laz, ouver kouman enn zournal intim ki pārfimin ek lestim,

Mo trap mo plim pārski sa inn vinn enn koutim, enn zour

kot mo anfil mo pli zoli kostim.

Lamer vante pourtan li ape vant so botan

Mo zoli sapo lapay inn inpe kraze avek letan.

Mo leta mantal, tal mwan lor enn sez

Alez, mo remazinn sak fwa mõ’nn gravit bãnn falez.

Apel mwan Stelio, karese pār mo poezi,

Petal enn fler soley ki dan delo li pa sezi

Sem sezon, kārdinal anvole anfoli ek so lezel safran,

Ki fransi lesiel

Ki fransi lesel.

Permet mwan ekrir ek dir mo santiman,

Anfile kouman enn zegui lor enn latwal ekri,

Les sārbon brile, vinn lasãnn

Mo linspirasion a tini ferm kouman enn labouzi ki’alimin

omilie enn lasanm.

3 ek 4

Sif ek let, mo alfabet pa kouyon ni bet,

Mo vokabiler, biner inn terni mo ner lor so terner.

Lor ter mer Rodrig, mo drag mo meyer ver,

Mo persever, san tro sever ek mo mem,

Dezayer se mo bãnn mo mem ki sant ansanm ek mo poem.

Inprovize, mo ti amater selman vinn enn pro ki mo ti pe vize.

3 ek 4

Katastrof ek enn ta strof

3 ek 4

Kataliz mo bãnn analiz

Mo ti zelev aster zot apel mwan prof

Mo profite viv plis ki sirviv

Mo latet ot, mo res malin ek pa rod swiv.

Kan mo demotive ek zis 2 mo, mo motive.

La fwa ek perseverans, mem si pārfwa mõnn gengn rans, zot

inn gard mo lizie fixe lor mo rekonpans.

Wi, lafwa inn permet mwan metriz mo bãnn drib,

Bondie ki mo gid l’inn dir mwan metriz mo labib

Wi perseverans inn permet mwan koriz mo bãnn fot ek dõnn

mwan prinsip pou viv ek enn leker prop.

Mersi bãnn gran k’inn dõnn mwan lexanp, anba foye, anba laranp,

Mem si semin la long lipie gengn kranp,

Ek zot mo kõnnin mo pou arive mem si bizin ranpe.

Tonbe lapli les mo lekor tranpe,

Tanki akote Bondie mo lespri pe kanpe,

Disernman pa pou permet ki to tronpe.

Mõ’nn remersie li kan mõ’nn gengnin ek pa blie salie li kan

mõ’nn dernien

Li’nn beni mwan san lapovrisman,

Mo pou Kontign mo semin, mem san laplodisman.

3 & 4

Pare pou pas a latak

3 & 4

Sif ek let

Apel mwa poet

Bio

Stelio Pierre Louis

Du village de Patate-Théophile, à Rodrigues, il est un chanteur, vidéographe, animateur artistique, directeur de théâtre et poète/slammeur. «Monn Amoure» et «Birthday Song» ont marqué les esprits. À son palmarès, Champion national de slam en 2011 et 2015, Champion océan Indien de Slam 2015, Champion du Caudan Live en 2018 et Prix spécial du jury du «Kok’tel Fonnker» en 2022 et 2023. L’une de ses plus belles réalisations la School of Art de Rodrigues en 2017.