À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Dev inn plonze

a rekilon dan sa lasours

Lasours ki ankor bien bien lwin bien kler,

Mem si finn ena baraz, kaskad deviasion,

diversion separasion

Lasours la li lamem,

An plas

bien bien lwin

bien bien kler

Dev inn montre nou so digresion

Depi dan brouyar, dan lapli

dan soley

ek

mare nwar

A traver so text,

so teat

so sante,

batman so leker.

Tou sa la

ki pou ankor

rezone

dan nou lavi

e nou memwar

nou lespri.

Tou sa ki pou sof

ravann nou leker

Pou fer eko

nou souvenir

Paski nou aksion pou kontigne trase

lor simin lasours

Bien bien lon

bien bien lwin

Me touzour bien bien kler

So leker pou rezone

kouma triang ek maravann

kom touzour

e pou touzour .

sirtou pou kan lorski

li pou sot

lot kote.

Kouma dan

lamarel lavi

Ler finn ariv so ler

Sanz bor larivier

pou remonte, remonte mem

Ziska rezwen lasours

Lerla refer sa

gran voyaz

ziska ki li zwen losean leternite

nou memwar

Kot dezorme

Dev repoze

Pou leternite

Lamour

Bio

Jean-Marie F. Richard

Citoyen engagé, observateur social et politique et chroniqueur, il est consultant en communication et producteur d’émissions de radio.