À l’heure du tout à l’image et du buzz sans suite, «l’express» souhaite faire découvrir la plume de poètes, de chanteurs, d’écrivains et de tous ceux qui jettent leur âme sur le papier, et qui mettent en mots des réflexions profondes.

Ti fam kaba

Bien ekipe

Dan so lasam ena tou seki to le

Li kontan ‘role play’ ena zour li infirmie

Ena zour li konseye

Lor so latab

Ena tou seki to bizin

Li ena li dan tou size

Li kav met li kot to anvi

To ena zis pou swazir

So bann zoli poupet vodou

Zot infayib

To anvi fer Ii aret sot kot pa bizin?

To paye to ve pou exose

Ena panse ti fam kaba

Enn prostudieu

Non li zis proche du Diable

Pourtan

Dan dimans

Li al repanti

So bann pese

Apre enn lasemenn bien sarze

Plizier fwa li dir li pou arete

Sa parfin biye-la fer li anvi kontinie

Li pa kontan kan zot dir li enn longanis

Li prefer servi mo exorsis

Tro boukou posede ena dan moris

Ek lorla si ou enn fenomen

Dan sa domenn

Ou vinn ris

Si to pans pou fer li dimal

Zis ek 2 parol

To kapav retrouv twa mental

Inn arive defwa linn briz 1 2 leker

Metie la ki koumsa

Dayer so bann klian

Pey li zis pou rann lavi

Lezot dimounn amer

Ena boukou kontan maler zot prosin

Apres divan twa zot amenn rol sin

Zis akoz lazalouzi

Zot kav koup limon lor to non

Ouswa fer sistem ek to foto

Pou to pa gagn loto

Dimounn kav gro ker

Gro poumon koumsa

So prosin kliyan

Enn vre tiran

Li anvi marye

Selma li pa kontan peye

Ti fam kaba

Fer li konpran

Pou li gagn enn ti minn

Li bizin met lame dan pos

Sinon tout long so lavi

Li pou tas lor ros

Lindi vini

Ti fam kaba

Repran so lavi

Kouma enn san abri

Nou rezwenn vandredi

So prosin viktim

Sofer taxi

Ti fam kaba

Pou arete marse

Pou al lor lakrwaze.

Bio

Géraldine Baptiste

Slameuse au nom de scène Ge-NYX, cette habitante de Roche-Bois aime écrire des textes plus au moins tabou… La poésie, c’est sa thérapie.